العربي
عضو جديد
عدد الرسائل : 62
الموقع : السعوديه
تاريخ التسجيل : 08/12/2009
 | موضوع: ياصــــاح لاتــشــكـي جــروح المحبين 111111  الأحد يناير 03, 2010 4:19 pm | |
| ياصــــاح لاتــشــكـي جــروح المحبين
الجـــرح يــــرث جــــرح لامــن شـكيته
**
كـم واحــــد ٍ قـفـــى وأنا طـالبـه دين
وأنامـعــــه حــــق الـصـــداقــه وفيته
**
وكــثير فـي قلبــي من النــاس غالين
لـكـن تــرى مـنهــو نـســـاني نسـيته
**
وتـرى الغــلا مثـل الـزهـــر بالبساتين
مــع الـبـطــــــى يـــذبـل إذا ماسقيته
**
ولاتحـســب إن كـل الخــــلايق مودين
تــوك عــلـى درب الـعـمــــر مامشيته
**
بـاكـــــر إذا عـمـــرك تعـــدى ثلاثين
تشـــوف عــيـنـــك واقــــع ٍ ماهقيته
**
اللـي تظـنـــه زين يبـــدي لك الشـين
وتنــــدم عـلـى وقــت ٍ بجنبه قضيته
**
وتشــوف شي ٍ منــه تشــيب العـين
وتقــــول أنـا يالـيتنـــــي مـارأيتــه
**
بعــــدين تبــــدي لك لـيـاليك بعـدين
وتـدرك حـقـيقـة هـرجي اللي حكيته
**
وأنصحك أنا ياصاح صحبة هل الدين
الـكــل مـنـهـــــم لابـغــيـــتــه لقـيته
**
وأنصحـك خلك في صفـوف المصلين
وإطـلــب إلـه ٍ يسـتـجـيـب إن دعيته
**
والـعـمــر رحــله والمــراجل ميادين
والطـــيب كــــايد لكـــن إني بغيته
**
أسعى مع اللي دوم للطيب ساعين
واللـه يـحــقـق لـي مـــــرام ٍ نويتـه
ماجد العواد | |
|
